اپنی 25 سالہ بیٹی کو شک کی بنیادپرقتل کرنے والا باپ گرفتار

چکوال ( نبیل انور ڈھکو)تصویر والا شخص رتوچھہ گاؤں کا طارق محمود ہے جس نے 21 مئی کو اپنی پچیس سالہ بیٹی ثانیہ طارق کو پسٹل سے متعدد فائر کر کے قتل کر دیا تھا۔ ایس ایچ او چوآ سیدن شاہ محمد زراعت بلوچ کی نگرانی میں پولیس نے اس درندے کو آج گرفتار کر لیا ہے۔  ملزم کے مطابق اس نے اپنی بیٹی کو اس وجہ سے مارا کہ اسے اس کے کردار پر شک تھا جبکہ ویڈیو میں مقتولہ اے ٹی وی کے ایک پروگرام جو رمضان میں نشر ہوا میں نعتیہ مقابلے میں حصہ لے رہی ہے۔ پولیس نے ملزم کے بیٹے کی درخواست پر مقدمہ درج کیا تھا۔ لگتا نہیں کہ یہ درندہ اپنے منطقی انجام کو پہنچےگا۔