ڈھڈیال(شفیق ملک )ڈھڈیال میں بغیر ضلع کونسل کے نقشوں کی منظوری تعمیراتی کام کرنے والے دو افراد کیخلاف علیحدہ علیحدہ مقدمات درج کر لیے گئے۔ انسفورسمنٹ انسپکٹر ڈسٹرکٹ کونسل چکوال محمد سعید نے پولیس کو درخواست دی کہ میں ہمراہ ملک مقصود زیر تعمیر بلڈنگ واقعہ پنڈی روڈ مونا سٹاپ کے بامقابل کا معائنہ کیا جس کو ملزم نے ضلع کونسل چکوال سے بغیر منظور شدہ نقشہ کے منافی کام غیر قانونی طور پر شروع کرارکھا تھا۔ ملزم غیر قانونی کام روکنے اور مسمار کرنے سے گریزاں ہے۔
جبکہ ایک اور کارروائی میں چک بیلی روڈ پر کمرشل تعمیرات کا معائنہ کیا گیا جہاں پر پرنسپل کالج ڈھڈیال نے بغیر ضلع کونسل کے منظور شدہ نقشہ کے منافی کام غیر قانونی طو رپر منظور کرارکھا ہے اور وہ بھی غیر قانونی کام روکنے اور مسمار کرنے سے گریزاں ہے۔ سب انسپکٹر فیصل ندیم اور اے ایس آئی بدر منیر نے علیحدہ علیحدہ مقدمات درج کر کے ملزمان کی تلاش شروع کردی ہے۔
ایک تبصرہ شائع کریں
If you have any doubts, Please let me know