زمین کے تنازعے پر کلر کہار میں گولیاں چل گئیں

کلرکہار(شفیق ملک) زمین کے تنازعے پر کلر کہار میں گولیاں چل گئیں،نجی کالج کے پرنسپل کا بھائی بال بال بچ گیا۔ رفاقت حیات ولد نور محمد ساکن دندہ شاہ بلاول حا ل مقیم سائنس کالج کلر کہار نے پولیس کو بتایا کہ محمد رفیق نے کالج کیساتھ مکان بنا رکھا ہے، کالج میں ان کے کھیت میں فصل مکئی چوری کاٹ رہا تھا تو محمد عثمان ولد محمد رفیق کو منع کیا تو بات گالی گلو گلوچ تک جا پہنچی۔

 محمد عثمان کے آواز دینے پر اس کا باپ محمد رفیق اور سلیمان کلہاڑی لیکرآگئے اور اس نے بڑی مشکل سے جان بچائی۔پھر ملزمان نے رات کو سعید انور اور فخر عباس ساکن کلر کہار جب فارم سے واپس آرہے تھے تو گاڑی نمبرٹی بی 096  پر ملزمان  تین کس مسلح ہوکر آئے، ان کا راستہ روکا اور ان پر فائرنگ کی جو کہ چھرے ان کی گاڑی پر لگے، خوش قسمتی سے وہ بچ گئے۔ وجہ عناد تنازعہ زمین ہے۔ سب انسپکٹر سکندر حیات نے اقدام قتل کا مقدمہ درج کر کے ملزمان کی تلاش شروع کردی ہے۔