بلی کے بچے سے زیادتی کا واقعہ جھوٹا نکلا، ایف آئی اے نے تصدیق کردی

وفاقی تحقیقاتی ایجنسی (ایف آئی اے) نے تصدیق کی ہے کہ لاہور میں بلی کے بچے سے زیادتی کا واقعہ جھوٹا ہے۔ ایف آئی اے کے سائبر کرائم ونگ کے اسسٹنٹ ڈائریکٹر آصف اقبال چوہدری کا کہنا تھا کہ یہ سارا واقعہ جھوٹا اور من گھڑت تھا، بلی کے بچے کے ساتھ ریپ یا زیادتی نہیں ہوئی، ڈاکٹر نے بھی اس بات کی تصدیق کی ہے مجھے افسوس ہے کہ کیسے لوگ جھوٹے دعوے کردیتے ہیں”۔ انہوں نے اپنے ٹویٹر پیغام میں مزید کہا کہ ایسے لوگ معاشرے میں بدامنی کا سبب بننے کے ساتھ ساتھ دنیا میں ملک کی بدنامی کا باعث بھی بنتے ہیں، میری عوام سے اپیل ہے کہ سوشل میڈیا پرایسی خبریں بغیر تصدیق کے شیئر مت کریں اس سے ملک کی بدنامی ہوتی ہے۔ No rape with Cat, confirmed by the Doctor. I am disgusted that how people put false blames ایسے لوگ نہ صرف معاشرے میں بدامنی کا سبب ہیں بلکہ ملک کی دنیا میں بدنامی کا باعث ہیں۔میری عوام سے اپیل ہے کہ سوشل میڈیا پرایسی خبریں بلا تصدیق شئیر نہ کریں اس سے ملک کی بدنامی ہوتی ہے۔ — Asif Iqbal Chaudhry (@AsifIqbalccw) August 10, 2020 بلی کا میڈیکل چیک اپ کرنے والے ڈاکٹر خلیل محمد نے کہا ہے کہ "مبینہ طور پر بلی کا کیس  میرے پاس ہی آیا تھا بلی کو جو انفیکشن تھا اسے بیماری کے علاج کیلئے میرے پاس لایا گیا تھا اور میں نے اس کا ٹریٹمنٹ کرکے اس کے مالک کے ساتھ اسے روانہ کردیا تھا بعد میں مجھے سوشل میڈیا سے پتا چلا کہ اس بلی کے ساتھ ریپ کا واقعہ رونما ہوگیا ہے، اور بنیاد بنائی گئی کہ ڈاکٹر نے جو ٹیسٹ کیے اس میں ریپ ڈکلیئر ہوا۔ ڈاکٹرخلیل محمدجنہوں نےاس بلی کےبچےکامیڈیکل چیک اپ اور ٹریٹمنٹ کیاانکی زبانی حقیقت جانیے۔ مجھےدکھ صرف اس بات کاہےکہ اس جھوٹےپراپیگنڈاکی وجہ سےمیرےملک پاکستان کی بدنامی ہوئی اوربہت سے حساس لوگ زہنی کوفت کاشکاررہے۔ اللہ پاک ہمیں سچ بولنے،لکھنےاور سچ کا ساتھ دینے کی توفیق عطا فرمائے۔ pic.twitter.com/FuizYXx8Mw — Asif Iqbal Chaudhry (@AsifIqbalccw) August 11, 2020 خلیل محمد نے مزید کہا کہ” میں آپ کو حقیقت بتاتا ہوں ہمیں اس بلی کے میڈیکل چیک اپ کے دوران ایسا کوئی ثبوت نہیں ملا، جس سے ایسا کچھ ڈکلیئر کیا جاسکے، بلی رکھنے والے لوگ جانتے ہیں کہ بلیوں کے برتاؤ بہت مختلف ہوتے ہیں اور ان کے ساتھ اس طرح کے کسی فعل کا چانس ہی ناممکن ہے، مجھ پر الزام لگایا گیا کہ میں نے پیسے لے کر پہلے ریپ کا بیان دیا اور اس کے بعد واپس لیا ، تو میں پیسے لے کر ایسی فائنڈنگز دینے والوں پر لعنت بھیجتا ہوں”۔ جانوروں کی دیکھ بھال کرنے والے ایک ادارے کے نمائندے عمر کا کہنا تھا کہ یہاں تو کسی انسان کے ساتھ ریپ کے ثبوت مشکل سے ملتے ہیں ، یہ بلی کا بچہ انفیکشن کا شکار تھا اس کے ساتھ زیادتی کی خبریں بے بنیا د ہیں، پاکستان میں ایسی خبروں کو مزید اچھالا جاتا ہے، لیکن یہ ایک جھوٹی خبر ہے۔ THREAD: Story of a #kitten being sexually assaulted by a teenager in #Lahore, which made everyone go crazy on social media (rightly so) - - - IS FAKE. — Umer (@Umer_Rpk) July 28, 2020 واضح ہو کہ جانوروں کے تحفظ کرنے والے ایک ادارے کی سربراہ عائشہ چندریگر نے دعویٰ کیا تھا کہ لاہور میں ایک بلی کے بچے کے ساتھ ایک نوجوان نے جنسی زیادتی کی جس کے نتیجے میں بلی کا بچہ مر گیا ، شکایت کرنے والی بلی کی مالک عورت نے دعو یٰ کیا کہ ڈاکٹر نے بلی کے ساتھ زیادتی کی تصدیق کی تھی۔