بوسٹن ڈائنامکس کے سپاٹ منی روبوٹ کا عملی مظاہرہ

بوسٹن ڈائنامکس  نے اپنے سپاٹ منی نامی روبوٹ کے نئے ورژن کا مظاہرہ کیا ہے جس میں واضح طور پر روبوٹ کے چلنے کے انداز میں کافی بہتری نظر آرہی ہے۔

یوٹیوب پر کمپنی کی شیئر کردہ ویڈیو میں ''دس سپوٹ منی''روبوٹ نئے جدید ڈیزائن میں نظر آرہا ہے جو ممکنہ طور پر فائنل ورژن ہوسکتا ہے، اس سے قبل کمپنی نے اس روبوٹ کے جتنے بھی نمونوں کا مظاہرہ کیا تھا ان سب میں روبوٹ نامکمل معلوم ہوتا تھا اور ہر طرف سے تاریں نکلی ہوئی ہوتی تھیں۔

روبوٹ کے سر میں تھری ڈی کیمرا نصب ہے جس کی مدد سے روبوٹ اپنے سامنے آنے والے تمام عناصر کی جانچ اور شناخت کر سکتا ہے۔

کمپنی کے سی ای او کا کہنا ہے کہ مستقبل میں روبوٹس کی اہمیت انٹرنیٹ سے زیادہ ہوگی۔