چکوال میں مسلم لیگ ن کے ووٹ بینک میں کوئی فرق نہیں پڑا: چوہدری ارشد علی خان

ڈھڈیال (چکوال پوسٹ)بکھاری کلاں کی سرکردہ سیاسی شخصیت چوہدری ارشد علی خان نے کہاہے کہ ضلع چکوال میں اگر مسلم لیگ ن کی تنظیم سازی ہوتی تو وہ 2018کے عام انتخابات میں بہترنتائج حاصل کرسکتی تھی۔ وہ اپنی رہائشگاہ پرمیڈیاسے گفتگو کررہے تھے۔ انہوں نے کہا کہ آج ملک کی تمام بڑی پارٹیوں کی صورت حال ایک ہی جیسی ہے کہ وہ حکومت اور اپوزیشن میں ہونے کے باوجود اپنی پارٹیوں کی تنظیم سازی نہیں کرتیں۔

 ایک سوال کے جواب میں انہوں نے کہا کہ ضلع چکوال میں مسلم لیگ ن کے ووٹ بینک میں کوئی فرق نہیں پڑا۔ حالیہ انتخابات میں اس کی شکست کی وجوہات سے ضلع کی مسلم لیگی شخصیات اچھی طرح باخبرہیں۔ انہوں نے کہا کہ ضلع میں حکومتی شخصیات کی کوئی رٹ نظر نہیں آرہی ۔ چوہدری ارشد علی خان نے ان تمام شخصیات اور احباب کا شکریہ ادا کیا جنہوں نے ان کی بیماری کے دوران ان کی تیمارداری کی اور فون کرکے خیریت دریافت کی ۔