ٹی ایم اے کی غفلت،محلہ ہجویری کی عوام گھروں میں محصور

چکوال(راجہ عبدالغفار سے) ناجائز تجاوزات کی وجہ سے عوام گھروں میں محصور ہو کر رہ گئی،نالے مکمل بند ہو گئے نالوں کا گندا پانی مسجد اور گھروں میں گھسنے لگا،اہلیان محلہ کا شدیداحتجاج ۔

تفصیلات کے مطابق محلہ ہجویری کا مرکزی نالہ ناجائز تجاوزات مافیا نے مکمل بند کر رکھا ہے ڈسٹرکٹ ہیڈکوارٹر ہسپتال چکوال کے ساتھ محلقہ ہجویری محلہ کا مرکزی نالہ عرصہ دراز سے بند ہے جسکی وجہ سے اہلیانِ محلہ اپنے گھروں میں محصور ہو کر رہ گئے ہیں ۔

مسجد کا تقدس بھی پامال ہو رہا ہے نمازیوں کو مشکلات کا سامنا ہے مسجد میں نالوں کی بدبو سے نماز پنجگانہ کی ادائیگی میں خلل پیدا ہو رہا ہے ناجائز تجاوزات مافیا نے نالے پر قبضہ جما کر اہلیانِ علاقہ کو شدید مشکلات سے دو چار کر دیا ہے نالے کے گندے پانی سے بیماریاں پھیل رہی ہیں اور بد بو سے اہل محلہ عاجز آ چکے ہیں ۔

ٹی ایم اے کا عملہ اپنے فرائض سے غافل ہے اہلیانِ علاقہ نے ڈپٹی کمشنر چکوال سے مطالبہ کیا ہے کہ موقع کا دورہ کیا جائے اور غفلت برتنے والے میونسپل کمیٹی کے ملازمین سے باز پرس کی جائے اور لاپرواہی برتنے 

والے ملازمین کو نوکریوں سے فارغ کیا جائے ۔

وائس آف چکوال