چکوال(شفیق ملک) ہائی ایس میں 2عدد غیر قانونی سی این جی سلنڈر لگانے والے ڈرائیور کوگرفتار کرلیا۔ اے ایس آئی پٹرولنگ پوسٹ بھون شیراز احمد نے استغاثہ دیا کہ ایک ہائی ایس نمبریLWC 1592 جس میں ڈرائیور ملزم ظفر عباس ولد مہر مرزا خان ساکن سرگودھا نے غیر قانونی دو عدد سی این جی سلنڈر لگا کر اپنی اور عوام الناس کی جان کو خطرہ میں ڈالا۔ اے ایس آئی جاوید اقبال نے مقدمہ درج کر کے ملزم کو جوڈیشل حوالات بھیجوا دیا۔
جبکہ قصبہ ماٹن خوردتھانہ کلر کہار کے علاقے میں ایک شخص سے ناجائز اسلحہ برآمد کرکے اسے گرفتار کرلیا گیا۔ اے ایس آئی شوکت محمود نے استغاثہ دیا کے دوران گشت و پڑتال ملزم حمید اللہ ولد غنچہ گل ساکن پیرکھارا کے قبضہ سے 22بور پسٹل برآمد کرلیا گیا۔ ملزم کیخلاف مقدمہ درج کرکے اس جوڈیشل حوالات بھیجوا دیا گیا۔
ایک اور کاروائی میں غیر قانونی پٹرول فروخت کرنے والا شخص گرفتار کرلیاگیا۔ سب انسپکٹر فیصل ندیم نے استغاثہ دیا کہ دوران گشت و پڑتال ملزم محمد اسلم ولد نواب خان ساکن منوال غیر قانونی کھلے عام پٹرول فروخت کر رہا تھا جس نے اپنی اور عوام الناس کی جان کو خطرے میں ڈالاجس پر اسے گرفتار کرلیا گیا۔ ملزم کیخلاف مقدمہ درج کر کے اسے جوڈیشل حوالات بھیجوا دیا گیا۔
ایک تبصرہ شائع کریں
If you have any doubts, Please let me know