ڈھڈیال(نمائندہ چکوال پوسٹ)جیٹھل میں مقامی سیاسی و سماجی شخصیت راجہ محمد الطاف المعروف پی ٹی آئی نے گاؤں کے سرکاری سکولوں میں زیر تعلیم یتیم غریب اور مستحق طلباء و طالبات کو نوٹ بکس فراہم کر دیں، اس سلسلہ میں ایک تقریب کا انعقاد کیاگیا۔ جس میں پی ٹی آئی ممبر سینٹرل ایگزیکٹو کمیٹی پی ٹی آئی راولپنڈی چوہدری محمد افضل مہمان خصوصی تھے۔ جبکہ صدارت چیئرمین یونین کونسل سرال چوہدری نثار عباس نے کی، رہنما پی ٹی آئی راولپنڈی راجہ زاہد محمود عرف مٹھو ، ماہر تعلیم ماسٹر خالد محمود اور دیگر نے شرکت کی، اس موقع پر گرلز پرائمری سکول جیٹھل، بوائز ایلیمنٹری سکول اور گورنمنٹ گرلز ہائی سکول جیٹھل کے طلباء و طالبات میں کاپیاں اور نمایاں پوزیشن ہولڈر طلباء و طالبات میں انعامات تقسیم کیے گئے۔
تقریب سے خطاب کرتے ہوئے چوہدری نثار عباس سرال، محمد افضل، راجہ زاہد محمود عرف مٹھو، راجہ محمد الطاف عرف پی ٹی آئی ماسٹر خالد اور دیگر نے کہا بچوں کی تربیت انتہائی مشکل کام ہے اور انہیں احساس صبر کی تعلیم دے کر کامیاب انسان بنایا جا سکتا ہے۔ اگر بچوں میں احساس ذمہ داری پیدا کیا جائے تو وہ زندگی میں کبھی نہیں ہارتے مقررین نے تقریب کے میزبان راجہ محمد الطاف کو خراج تحسین پیش کیا کہ ان کی انتھک کوششوں سے پی ٹی آئی کو کامیابی ملی اور پی ٹی آئی کو جو اقتدار ملا وہ راجہ الطاف اور کارکنوں کی محنت کا ثمر ہے تقریب بہت بڑے اجتماع کی شکل اختیار کر گئی جس میں خواتین اور بچوں کی بڑی تعداد نے بھی شرکت کی۔
ایک تبصرہ شائع کریں
If you have any doubts, Please let me know