کورونا وائرس سے چوآ سیدن شاہ میں پہلی ہلاکت

چیئرمین حاجی ملک مختار کے قریبی رشتہ دارڈاکٹر ارشد صدیق کے بھائی اور مرحوم ماسٹر صدیق کے بیٹے حاجی ملک اصغر کورونا وائرس کے باعث وفات پا گئے ہیں۔ محکمہ ہیلتھ کی خصوصی ٹیموں نے اپنی نگرانی میں نماز جنازہ ادا کر  کے تدفین کر دی۔ چوآ سیدن شاہ (ملک عظمت حیا ت سے) چوآ سیدن شاہ سرجن ڈاکٹر ارشد صدیق کے بھائی اور مرحوم ماسٹر صدیق کے بیٹے حاجی ملک اصغر کورونا وائرس کا شکار ہونے کے باعث وفات پا گئے ۔ مرحوم کافی عرصہ سے بیمار تھے۔ اور قرنطینہ سنٹر آ ر آئی یو  راولپنڈی ہسپتال میں زیر علاج تھے جہاں انکو کورونا کی تصدیق ہوئی۔  کورونا کی تشخیص کے بعد ان کو وینٹی لیٹر پر بھی رکھا گیا اس کے علاوہ ان کا پلازمہ بھی تبدیل کیا گیا لیکن اللہ کو کچھ اور منظور تھا اور حاجی ملک اصغر اللہ کو پیارے ہو گئے۔ ڈسٹرکٹ ہیلتھ آفیسر ڈاکٹر عبدالمجید کی نگرانی میں محکمہ ہیلتھ کی ٹیموں نے نماز جنازہ ادا کرا کر تدفین کا عمل مکمل کر دیا۔  اس موقع پرایس ایچ او زراعت بلوچ اپنی نفری کے ہمراہ موقع پر موجود رہے۔ حاجی ملک اصفر کی وفات کے بعد چوآ سیدن شاہ کی عوام نے انکی فیملی سے گہرے دکھ اور رنج کا اظہار کیا ہے۔ یاد رہے کہ ملک میں کورونا وائرس کے مریضوں کی تعداد ایک لاکھ 32ہزار سے تجاوز کر چکی ہے جبکہ اموات کی تعداد 2ہزار سے بڑھ چکی ہے۔ -------------------------------------------------