مجھے ارطغرل پسند نہیں، 2 اقساط دیکھ کرچھوڑ دیا،سید نور

پاکستان کے نامور ہدایت کار سید نور کا کہنا ہے کہ مجھے ترک ڈرامہ ارطغرل بالکل پسند نہیں ہے، میں نے دو اقساط دیکھنے کے بعد ہی چھوڑ دیا تھا۔ ایک انٹرویو کے دوران ارطغرل سے متعلق سوال کے جواب میں سید نور کا کہنا تھا کہ ارطغرل کی صرف دو اقساط دیکھیں، مجھے بالکل پسند نہیں آیا، میں نے آگے دیکھا ہی نہیں۔ سید نور نے کہا کہ یہ ابھی کی نہیں ایک سال پرانی بات ہے جب یہ نیٹ فلکس پر دکھایا گیا تھا، چار گھوڑے ہیں ان کے پاس جو اس ڈرامے میں بھگائے جارہے ہیں، ادھر بھی وہی ہیں اور دوسری طرف بھی وہی ہیں۔ ان کا کہنا تھا کہ اگر مجھے تاریخی کردار پر ڈرامہ بنانا ہوا تو میں محمد بن قاسم پر بناؤں گا۔