خواتین کے پاؤں تلے زمین نکل گئی

بیجنگ: چین میں فٹ پاتھ پر چلنے والی 2 خواتین حادثے کے نتیجے میں زخمی ہوگئیں جس کی ویڈیو وائرل ہوگئی۔ غیرملکی خبررساں ادارے کی رپورٹ کے مطابق چین کے صوبے چون گنگ وولونگ میں دو خواتین کی پاؤں تلے سچ مچ زمین نکل گئی، حادثہ سی سی ٹی وی کیمرے میں محفوظ ہوگیا۔ ویڈیو میں دیکھا جاسکتا ہے کہ خواتین فٹ پاتھ پر جارہے ہیں کہ اچانک وہ حصہ دھنس جاتا ہے جس سے وہ دونوں زخمی ہوئے، ریسکیو حکام نے کارروائی کرتے ہوئے ان کی جان بچالی۔ حکام کا کہنا ہے کہ خواتین کے ساتھ یہ حادثہ شدید بارشوں اور سیلابی صورتحال کے باعث ہونے والی لینڈ سلائیڈنگ کے سبب پیش آیا اور وہ سڑک کے جس حصے پر چل رہی تھیں اور وہ حصہ دھنس گیا۔ ٹریفک پولیس حکام کا کہنا ہے کہ حادثہ کے بعد چون گنگ وولونگ سڑک کو عام ٹریفک کے لیے بند کردیا گیا ہے۔ ڈاکٹرز کا کہنا ہے کہ دونوں خواتین کی حالت خطرے سے باہر ہے ابتدائی طبی امداد کے بعد دونوں کو ڈسچارج کردیا گیا ہے۔ اس سے قبل ایک ویڈیو وائرل ہوئی تھی پیدل چلنے والی ایک خاتون مین ہول میں جاگری تھیں اور ویڈیو میں آواز سنی جاسکتی ہے جس میں خاتون کا کہنا تھا کہ آپ مجھے نہیں دیکھ سکتے۔