پاکستان ٹیلی کمیونیکیشن اتھارٹی کے آن لائن گیم پب جی کے نمائندوں سے مذاکرات کامیابی سے طے پا گئے، مذاکرات کی کامیابی کے بعد پی ٹی اے نے آن لائن گیم پب جی کو بحال کرنے کا اعلان کیا ہے۔
پی ٹی اے کے ترجمان کی جانب سے جاری کی گئی پریس ریلیز میں کہنا تھا کہ پی ٹی اے کی پروکسما بیٹا پرائیویٹ لمیٹڈ کے ساتھ ایک میٹنگ ہوئی ہے، جس میں پراکسما بیٹا (پی بی) کے نمائندوں نے گیمنگ پلیٹ فارم کے غلط استعمال کو روکنے کے لئے پی بی کے رکھے گئے کنٹرولز کے سلسلے میں پی ٹی اے کی طرف سے اٹھائے گئے سوالات کے جواب پر اتھارٹی کو آگاہ کیا۔
Press Release: A meeting was held between PTA and legal representatives of Proxima Beta Pte Ltd (PB).— PTA (@PTAofficialpk) July 30, 2020
Proxima Beta (PB) representatives briefed the Authority on response to queries raised by PTA with respect to controls put in place by PB to prevent misuse of the gaming platform pic.twitter.com/73hPJKLxKi
پریس ریلیز کے مطابق پاکستان ٹیلی کمیونیکیشن اتھارٹی نے اب تک کے پروکسما بیٹا کی جانب سے اٹھائے گئے اقدامات پر اطمینان کا اظہار کیا اور گیم کی مسلسل نگرانی اور کنٹرول کے جامع طریقہ کار پر زور دیا۔
پی ٹی اے کی پریس ریلیز کے مطابق کمپنی کے نمائندے نے اس معاملے پر پی ٹی اے کے تاثرات کا خیرمقدم کیا اور یقین دلایا کہ پی ٹی اے کے خدشات کو مدنظر رکھا جائے گا۔ اس کے علاوہ ، کمپنی نے پی ٹی اے سے پب جی پر سے پابندی ہٹانے کی درخواست کی۔
پی ٹی اے کا اپنی پریس ریلیز کے آخر میں کہنا تھا کہ اتھارٹی نے کمپنی کی جانب سے کیے گئے اقدامات اور دیے گئے ردعمل کو مدنظر رکھتے ہوئے، آن لائن گیم پب جی پر سے پابندی ہٹانے کا فیصلہ کیا ہے۔
خیال رہے کہ پاکستان ٹیلی کمیونیکیشن اتھارٹی نے اس سے قبل آن لائن گیم پب جی کے کے خلاف موصول ہونے والی شکایات کو مد نظر رکھتے ہوئے پابندی عائد کر رکھی تھی۔
ایک تبصرہ شائع کریں
If you have any doubts, Please let me know