ڈی پی او چکوال عادل میمن کا تھانہ چوآ سیدن شاہ کا دورہ

چوآ سیدن شاہ (ملک عظمت حیات سے)ڈی پی او چکوال عادل میمن نے تھانہ چوآ سیدن شاہ کا وزٹ کیا ۔ دوران وزٹ پولیس کے چوک و چوبند دستے نے ڈی پی او کو سلامی پیش کی۔ بعدازاں تھانہ کی باؤنڈری وال، حوالات تھانہ، بیرک ہائے ملازمان، تھانہ کی صفائی، مال خانہ تھانہ اور تھانہ کا مکمل ریکارڈ چیک کیا گیا۔کوت میں اسلحہ کی مقدار اور صفائی کو چیک کیاگیا۔ رجسٹر ہائے تھانہ جات چیک کیے گئے۔ تھانہ میں بنائے گئے میس کے کھانہ کے معیار کو چیک کیا گیا۔ ریکارڈ تھانہ مکمل ہونے پر ایس ایچ او زراعت بلوچ کی کارکردگی کو سراہا گیا ۔ 

اس موقع پر ڈی پی او چکوال نے تھانہ کی صفائی ، رنگ و روغن اور دیگر تعمیر کے لئے تھانہ محرر نذیر کو ہدایات جاری کیں کہ ان کاموں کو جلد از جلد تکمیل تک پہنچایا جائے ۔ جرائم پیشہ عناصر کیخلاف کاروائیوں کو مزید تیز کرنے اور گشت کے نظام کے مزید موئثر بنانے کی ہدایت کی گئی۔اس موقع پر انہوں نے تھانہ میں لگائے گئے پودوں کو بھی چیک کیا ۔ ڈی پی او کے ہمراہ دوران وزٹ ڈی ایس پی حاجی شفیق ، ٹریفک انسپکٹر وحید ،سب انسپکٹر ملک اسلم لاپھی بھی موجود تھے ۔