ہم پر منسٹر صاحب کا شدید دباؤ ہے ۔۔۔۔

چکوال ( شفیق ملک )پولیس کا انوکھا کارنامہ ،غیر جانبدار انکوائری کے لیے آر پی کو درخواست کیوں دی،مدعی پرچوری ڈکیتی اور قبضے کی ایف آئی آر درج کر دی بلکہ پچھلے ایک ماہ سے عمرہ پر گئے مدعی کے بیٹے کو بھی بلوے میں نامزد کر دیا۔آئی جی پنجاب اور مشیر داخلہ شہر یار خان آفریدی سے نوٹس لینے کا مطالبہ۔

تفصیلات کے مطابق موضع ٹہی کے رہائشی ملک محمد بشیر کی وراثتی جائیداد پر چند افراد جنہیں مقامی ایم پی اے اور صوبائی وزیر کی حمایت حاصل ہے نے ایس ڈی پی او تلہ گنگ اور ایس ایچ او تھانہ صدر محمد افضل کے ساتھ مل کر محکمہ مال کو بتائے بغیر قبضہ کرنے کی کوشش کی،جس پر ملک محمد شیر نے پولیس کے اعلیٰ حکام جنمیں ڈی پی او اور آر پی او راولپنڈی کو حصول انصاف کے لیے درخواست دی جس پر پولیس کے اعلیٰ افسران نے پولیس کو قبضہ سے باز رہنے کا حکم دیا۔

چند روز گذر جانے کے بعد مقامی پولیس افسران نے ملک محمد بشیر کو دوبارہ اپنے دفتر طلب کیا اور بتایا کہ ہم پر منسٹر صاحب کا شدید دباؤ ہے لہٰذا آپ قبضہ فی الفور ان کے حوالے کر دیں بعد میں آپ کو واپس کر دیا جائے گا ۔انکار پر شیر جوانوں نے مالک اراضی ملک محمد بشیران کے بیٹوں ملک محمد تنویر اور محمد نوید پر ناجائز قبضہ کرنے دیواریں گرانے اور سامان چوری کرنے کی ایف آئی آر درج کر دی اور ایف آٗی آر میں لکھا کہ تینوں باپ بیٹوں نے زمین پر قبضہ کر رکھا ہے۔

واضح رہے ایف آئی آر میں نامزد ملزم محمد نوید پچھلے ایک ماہ سے عمرہ کی سعادت حاصل کرنے کے لیے سعودیہ عرب گیا ہوا ہے،ملک محمد بشیر نے وزیر اعلیٰ پنجاب اور چیف جسٹس آف پاکستان سے وری نوٹس لینے کی اپیل کی ہے۔