امریکی بلاگر سنتھیا ڈی رچی کا یوسف رضا گیلانی کو 12 کروڑ روپے ہرجانے کا نوٹس

معافی مانگیں یا ہرجانہ دیں۔۔امریکی بلاگر سنتھیا ڈی رچی کا یوسف رضا گیلانی کو 12 کروڑ روپے ہرجانے کا نوٹس امریکی بلاگر سنتھیا ڈی رچی نے سابق وزیرِ اعظم یوسف رضا گیلانی کو 12 کروڑ روپے ہرجانے کا لیگل نوٹس بھیج بھجوادیا۔ سنتھیا ڈی رچی نے نوٹس اپنے وکیل ناصر عظیم خان ایڈووکیٹ کے ذریعے بھجوایا ہے۔ سنتھیا رچی کی جانب سے بھجوائے گئے لیگل نوٹس میں کہا گیا ہے کہ یوسف رضا گیلانی نے مجھے ہراساں کیا اور اب جھوٹے الزامات سے ساکھ کو نقصان پہنچا رہے ہیں۔ نوٹس میں مزید کہا گیا ہے کہ یوسف رضا گیلانی نے ‎2011ء میں رحمٰن ملک کے ساتھ مل کر ہراساں کیا، اب سوشل میڈیا پر پیپلز پارٹی کے میڈیا سیل کے ذریعے ہراساں کیا جا رہا ہے۔ مجھے قومی اور بین الاقوامی سطح پر بدنام کیا گیا ہے۔ سنتھیا ڈی رچی نے اپنے لیگل نوٹس کے ذریعے مطالبہ کیا ہے کہ یوسف رضا گیلانی اپنے الزامات پر معافی مانگیں اور 12 کروڑ روپے ہرجانہ ادا کریں۔اگر 14 دن کے اندر اپنے الزامات پر معافی نہ مانگی تو قانونی چارہ جوئی کی جائے گی۔ واضح رہے کہ بلاگر، سوشل میڈیا ایکٹویسٹ اور فلم میکر کہلانے والی امریکی شہری سنتھیارچی آج کل پاکستانی سوشل میڈیا پر تنازعات کی زد میں ہیں اور ان کے ٹویٹ اور ویڈیوز کا ہدف پیپلز پارٹی اور اُس کی اعلیٰ قیادت ہے۔ -------------------------------------------------