تلمبہ نواحی علاقہ موضع ڈانگرہ میں بیوی کے ہاتھوں شوہر قتل

تلمبہ(فخرحسنین سے) نواحی علاقہ موضع ڈانگرہ میں بیوی نے اپنے شوہرکو قتل کرکے اس کی لاش کو پیٹی میں بندکردیا۔ تفصیلات کے مطابق مقتول کو 22 رمضان کو قتل کیا گیا ۔ بیوی نے اپنے شوہر کو قتل کرکے نعش گھر کے اندر پیٹی میں بند کر کے رکھ دی تھی  اوراس کے ڈھکن کو گیلا آٹا لگاکرہوا پروف بنایا گیا لیکن پھربھی بھانڈا پھوٹ گیا۔ نعش کی بدبو پھیلنے پر پڑوسیوں کو شک ہوا تو انہوں نے پولیس کو اطلاع کردی۔تلمبہ پولیس نے موقع پر پہنچ کو مقتول کی بیوی سے پوچھ گچھ کی تو بیوی نے قتل کا اعتراف کر لیا ۔قاتل بیوی کی نشاندہی پر پولیس نے لاش صندوق سے برآمد کرلی  فرانزک ٹیم شواہد اکٹھے کرنے میں مصروف ہے۔مبینہ قاتل خاتون کو پولیس نے حراست میں لے لیا -مقامی ذرائع ــــــــــــــــــــــــــــــــــــــــــــــــ ایک اورخبرکے مطابق ـــــــــــــــــــــــــــــــــــــــــــــــ عبدالحکیم کے نواحی علاقہ آڈہ خالقِ آبادمیںخاتون نے اپنے خاوند کو مار کر پیٹی میں بند کردیا۔ تفصیل کے مطابق منظور جو کہ آرمی ریٹائرڈ ہے پہلی بیوی فوت ہونے کے بعد مقتول نے دوسری شادی کی جس سے دو بچے ہیں  آج سے تقریباً پندرہ روز قبل قاتل  بیوی نے گلا دبا کر ہلاک کر دیا اور لاش پیٹی میں بند کر دی بھائیوں نے چھان بین کی مگر مقتول کا کچھ پتہ نہ چلا آج مرحوم کا بھتیجا گھر آیا تو گھر سے بدبو آرہی تھی جس کے متعلق اس نے اپنی چچی سے پو چھا تو اس نے کہا کہ ویسے ہی کھیتوں سے آرہی ہو گی شک پڑنے پر اس نے اپنے والد کو بتایا  تو وہ موقع پر پہنچا تو بدبو بہت زیادہ تھی اور پیٹی کے چارو اطراف آٹا لگا رکھا تھا کہ بدبو باہر نہ آئے موصوف نے ملزمہ کو پیٹی کھولنے کا کہا تو جوابآ چابی گم ہے اور آٹے کے بارے میں پوچھا تو معقول جواب نہ دے سکی جس پر پولیس تھانہ تلمبہ کو اطلاع دی پولیس نے ملزمہ کو گرفتار کرکے نعش برآمد کرلی (بشکریہ: حبیب صافی) -------------------------------------------------