لاہور آ ؤٹ آ ف کنٹرول ۔ ۔ ۔ چکوال ویل ان کنٹرول

پنجاب حکومت کی کرونا رپورٹ لاہور آ ؤٹ آ ف کنٹرول چکوال ویل ان کنٹرول تحریر:ارشد کو ٹگلہ پاکستان میں کرونا کا پہلا کیس 26فروری کو رپورٹ ہوااسکے بعد دن بدن گراف بڑھتا جا رہا ہے اور خدشہ ہے،جون کا مہینہ انتہائی مہلک ثابت ہو سکتا ہے 30مارچ کو رپورٹ کیے گئے کرونا کیسز کی تعداد 1717،اموات21،30اپریل کو کیسز 16473اموات361اور 30مئی کرونا کیسز 66457رپورٹ کیے گئے جبکہ اموات 1395تک جا پہنچی ہیں۔عوام کو اس سنگینی کو مدنظر رکھتے ہو ئے سماجی فاصلہ،ماسک،سینیٹا ئزر کا استعمال بار بار ہاتھ دھونے،گھروں سے غیر ضروری باہر نکلنے اور اجتماعات میں جانے سے مکمل گریز کریں۔حکومت پنجاب کی جاری کردہ رپورٹ کے مطابق سب سے زیادہ مصدقہ کرونا کیسز لاہور جبکہ سب سے کم ضلع چکوال میں رپورٹ ہوئے ہیں۔ کرونا وباؤپر قابو پانے کیلئے ہمارے ضلعی اور تحصیل انتظامیہ افسران نے اپنی توانائیاں صرف کرنے میں کوئی کسر نہ چھو ڑی،لاک ڈاؤن ہو یاعوامی مسائل ہر موقع پر اپنا لوہا منوا یاہے۔ضلع چکوال کے ڈپٹی کمشنر عبد الستارعیسانی کی محنتیں اور کاوشیں عوام کیلئے کسی سے ڈھکی چھپی نہیں ہیں،رات گئے تک وہ اپنی ڈیو ٹی سر انجام دینے میں مصروف نظر آ رہے ہیں۔معلو م ہوا ہے کہ ڈی سی چکوال اپنے ماتحت افسران سے روزانہ کی بنیاد پر رپورٹ تمام تحصیلوں سے نہ لیں اسوقت تک اپنی ڈیو ٹی ختم نہیں کر تے۔کرونا وائرس کی وباؤ جب پاکستان میں آ ئی تو حکومتی سطح پر ضلعی افسران کو کرونا سے نمٹنے کیلئے احکامات جاری کیے گئے تھے اور ضلع چکوال میں تعینات ڈپٹی کمشنر عبد الستارعیسانی نے کرونا سے نمٹنے کیلئے بھرپور اقدامات کیے اور ضلع چکوال میں قرنطینہ سنٹرز بنائے گئے جہاں مریضوں کیلئے معیاری کھانے اور ادوایات کو یقینی بنایا گیا۔ضلعی انتظامیہ کی جانب سے کرونا سے بچاؤکیلئے ماسک،سینٹیائزر،سوشل ڈسنٹس پر عمل کرنے کی بار بار ہدایات کی گئیں ہیں جسکی بدولت آ ج پنجاب حکومت کی جانب سے جاری کردہ رپورٹ کے مطابق ضلع چکوال میں صوبہ پنجاب کے تمام اضلاع میں سب سے کم تصدیق شدہ کرونا مریض رپورٹ ہوئے ہیں جسکا کریڈٹ ضلع چکوال کے ڈی سی عبد الستار عیسانی،ڈی پی او چکوال محمد بن اشرف،ڈی ایس پیزاور اے سی صا حبان کو جاتا ہے جنہو ں نے دن رات ایک کر کے ضلع بھر میں کرونا ایس او پیز پر عمل در آ مد کو یقینی بنایاہوا ہے۔ کرونا وائرس سے بچاؤ کیلئے ڈپٹی کمشنر عبد الستار عیسانی کیساتھ انفار میشن ڈپیارٹمنٹ ضلع چکوال کی ڈپٹی ڈائریکٹر میڈم تابندہ اور انکے تمام اسٹاف بھی شانہ بشانہ کھڑے ہیں اور اپنی ڈیو ٹی سرانجام دینے میں کوئی کسر نہیں چھو ڑ رہے ہیں۔دن ہو یارات ہر وقت ضلعی اور تحصیل انتظامیہ کے لمحہ بہ لمحہ پرنٹ اور الیکٹرانک میڈیا کے نمائندگان کو انتظامیہ کی جانب سے جاری کردہ کرونا بچاؤ اقدامات سے آ گا ہ کر رہے ہیں۔ڈپٹی ڈائریکٹر انفارمشن چکوال محترمہ تابندہ سے جب بھی بات ہوئی تو انہو ں نے یہی کہا کہ کرونا وائرس سے بچاؤ کیلئے صحافی برادری ضلعی اور تحصیل انتظامیہ کا ساتھ دیں تا کہ ہم سب ملکر اس وباء سے نجات پا سکیں،میڈیا ہی واحدپیغام رسائی کازریعہ ہے جس کے بدولت عوام کو کرونا سے بچاؤکیلئے احتتاطی تدابیر سے آ گاہ کر کے ضلع چکوال کی عوام کو بچایا جا سکتا ہے،انہو ں نے ضلع چکوال اور تمام تحصیلوں کے پرنٹ اور الیکٹرانک میڈیا کے نما ئندگان کی جانب سے بھرپور تعاون کا بھی شکریہ ادا کیا کہ جب بھی مشکل وقت آ یا تو صحافیوں نے بھرپور ساتھ دیا اور انتظامیہ کی آ واز میں آ واز ملائی ہے جسکی وجہ سے آ ج ضلع چکوال الحمد للہ صوبہ پنجاب کے تمام اضلاع میں سب سے کم کرونا مریضوں کیساتھ آ خری نمبر پر ہے۔ تحصیل تلہ گنگ میں حال ہی میں تعینات ہونے والے اسسٹنٹ کمشنر حافظ محمد عمران کھوکھر کی جانب سے تلہ گنگ کو ماڈل سٹی بنانے کا منصوبہ شروع ہی ہوا تھا کہ کرونا وائرس نے دستک دے دی جسکی وجہ سے شہر کی خوبصورتی سے توجہ ہٹا کر کرونا وباء پر قابو پانے کیلئے تمام توانائیاں صرف کرنا شروع کر دی گئی۔حکومت پنجاب کی جانب سے لاک ڈا?ن اور دفعہ 144کے نفاذکا اعلان ہوتے ہی اسسٹنٹ کمشنر حافظ محمد عمران کھوکھر اپنی تمام ٹیم کیساتھ کرونا وائرس کے بچاؤکیلئے متحرک ہو گئے اور لاک ڈا?ن کے دوران انتظامیہ کیخلاف غیر اخلاقی جملے سننے اور دیکھنے کو ملے لیکن اے سی تلہ گنگ نے تنقید برداشت کرتے ہو ئے لاک ڈاؤن اور دفعہ 144پر بلا تفریق عملد ر آ مد کروانے میں متحرک رہے اور روکاٹوں کا بھی سامنا کرتے اور دباؤ برداشت کیے بغیر اپنی ڈیو ٹی سرانجام دے رہے ہیں، تلہ گنگ میں کامیاب لاک ڈاؤن کے نتائج سامنے آنا شروع ہو گئے ہیں کہ ابھی تک تلہ گنگ کرونا سے پاک ہے اگر کوئی اکا دکا مریض ہیں بھی  تو وہ دوسرے شہروں سے تلہ گنگ آ ئے ہیں،ضلع چکوال کی واحد تحصیل تلہ گنگ ہی ہے جہاں تا حال کرونا کا کوئی مقامی مریض سامنے نہیں آیا ہے۔اسسٹنٹ کمشنر اور ڈی ایس پی تلہ گنگ اپنی تمام تر توانائیاں صرف اور صرف تلہ گنگ کی عوام کو کرونا سے بچانے کیلئے صرف کر رہے ہیں جس میں فائدہ صرف اور صرف عوام کا ہے انکی ہدایات پر عمل نہ کرنے کی صورت میں کرونا تحصیل تلہ گنگ کو بری طرح اپنے لپیٹ میں لیکر ہمیں خود کو اور ہمارے پیاروں کیلئے وبال جان ثابت ہو سکتا ہے،ہمیں انتظامیہ کی ہدایت پر سو فیصد عمل کرکے اچھے شہری ہونے کا ثبوت دینا ہو گا اگر ہم تحصیل تلہ گنگ کو کرونا سے پاک دیکھنا چاہتے ہیں۔اللہ آپ کا حامی و ناصر ہو۔

-------------------------------------------------