تھوہا بہادر کے قریب سے برآمد ہونے والی نومولود بچی کی کفالت کا معاملہ

چکوال (رضوان سعید سے)بہت سے دوست احباب بچی کی کفالت کیلئے ٹیلی فونک اور بذریعہ واٹس ایپ رابطہ کر رہے ہیں کہ کیا ابھی تک بچی کو کسی نے گود لیا، کیا بچی کی کفالت ہمیں مل سکتی ہے؟ اگر ہم بچی گود لینا چاہیں تو اس کے لئے کیا طریقہ کار ہے؟ ان تمام دوستوں سے عرض ہے کہ وہ بچی ابھی تک ڈسٹرکٹ ہیڈ کوارٹرز ہسپتال چکوال میں ہی ہے۔ اس کی کفالت حاصل کرنے کے لئے علاقہ مجسٹریٹ کو درخواست دینی پڑتی ہے۔ علاقہ مجسٹریٹ درخواست  میڈیکل سپریٹنڈنٹ (ایم-ایس) ڈسٹرکٹ ہیڈ کوارٹرز ہسپتال کو مارک کرتا ہے۔ ایم ایس موصول شدہ تمام درخواستیں چائلڈ پروٹیکشن بیورو کو بھیجواتا ہے جو درخواست گزار کی جانچ پڑتال/ فیملی بیک گراونڈ دیکھ کر فیصلہ کرتا ہے کہ کون حقدار ہے اور بچی کی کفالت کس کے حوالے کرنی ہے۔ ذرائع کے مطابق اب تک متعدد درخواستیں موصول ہو چکی ہیں جبکہ بیرون ممالک سے بھی رابطوں کا سلسلہ جاری ہے۔

-------------------------------------------------