دونوں ہاتھ اور ٹانگیں کاٹنے کے بعد بےدردی سے قتل کرکےلاش کو گاڑی سمیت جلا دیا

سندھ کے شہر خیرپور میں وزیراعلیٰ سندھ مراد علی کے معاون خصوصی نواب خان وسان کے بھانجے اے ایس آئی بلاول وسان کو بے دردی سے قتل کرنے کے بعد لاش کو گاڑی سمیت جلائے جانے کے معاملے میں پولیس نے بلاول کے دو دوستوں کو حراست میں لے لیا ہے۔واقعے کی تفصیلات میں یہ انکشاف بھی سامنے آیا ہے کہ ملزمان نے لاش کو گاڑی سمیت جلا کر حادثے کو قتل کا رنگ دینے کی کوشش کی تھی۔ تاہم پوسٹ مارٹم رپورٹ نے یہ معمہ حل کر دیا۔بتایا گیا ہے کہ 18 نومبر کی رات کو بھرگڑی کے علاقے کے قریب سے جلی ہوئی ڈبل کیبن گاڑی سے اے ایس آئی بلاول وسان کی کمل جھلسی ہوئی ناقابل شناخت لاش ملی تھی۔پوسٹ مارٹم رپورٹ میں یہ انکشاف ہوا ہے کہ اے ایس آئی بلاول وسان کو بے دردی سے قتل کرنے کے بعد لاش کو جلایا گیا تھا۔ پوسٹ مارٹم رپورٹ میں ایک دل دہلا دینے والا یہ بھی انکشاف ہوا ہے کہ بلاول وسان کے دونوں ہاتھ اور ٹانگیں کاٹی گئی تھیں جب کہ اس کی کھوپڑی اور پسلیوں میں بھی فریکچر پایا گیا تھا۔ ملزمان نے انتہائی چالاکی کا مظاہرہ کرتے ہوئے لاش کو گاڑی سمیت جلا کر قتل کو حادثے کا رنگ دینے کی کوشش کی۔پولیس ذرائع کا کہنا ہے کہ دو ملزمان کو گرفتار کر لیا گیا ہے جو بلاول وسان کے دوست ہیں۔امید ظاہر کی جا رہی ہے کہ جلد ہی واقعے سے متعلق مزید حقائق سامنے آئیں گے۔عینی شاہدین نے بھی ایک ملزم کو شناخت کر لیا ہے جو گاڑی میں آگ لگنے کے وقت فرار ہو گیا تھا۔ ،ذرائع کے مطابق جس وقت حادثہ رونما ہوا س وقت ان کے ہمراہ اس کے قریبی 2 دوست ساتھ تھے۔ حادثے کے وقت وہ غائب تھے جو کئی شک و شبہات کو جنم دے رہا ہے۔ پولیس ہر زاوئیے سے کیس کی تفتیش جاری رکھے ہوئے ہے ۔تاہم بلاول وسان کے چاہنے والوں نے گزشتہ روز زاہد راجپوت کے پٹرول پمپوں کو آگ لگا کر اپنے دل کی بھڑاس نکالی تھی کے واقعے کا بھی تاحال مقدمہ درج نہ ہوسکاتھا