سات سالہ بچی کو جلانے والا درندہ گرفتار

پشاور:خیبرپختونخوا پولیس نے سات سالہ بچی کو جلانے والے ملزم کو گرفتار کر لیا ہے۔ملزم  بچی کا ہمسایہ نکلا ہے ۔تفصیلات کے مطابق خیبرپختونخوا کے دار الحکومت پشاور میں پولیس نے بڑی کامیابی حاصل کر لی۔پولیس نے بڈھ بیر میں بچی کو جلانے  کا معمہ حل کر لیا ہے۔پولیس نے اس حوالے سے انکشاف کیا ہے کہ مقتولہ کو جلا کر قتل کرنے والا ملزم کوئی اور نہیں بلکہ اس کا ہمسایہ ہے جس کی گرفتاری ضلع خیبر سے عمل میں آئی۔ اعلیٰ پولیس حکام کی جانب سے سفاکیت کی انتہا کرنے والے ملزم کی گرفتاری کے لیے اسپیشل جوائنٹ آپریشن ٹیم تشکیل دی گئی تھی۔ملزم نے قتل کے شواہد مٹانے کے لیے بچی کی لاش جلا دی تھی۔7 سالہ بچی سوختہ حالت میں برآمد ہوئی تھی جب کہ جلائے جانے سے قبل لاش پر گولیاں بھی برسائی گئی تھیں۔ واضح رہے کہ پشاور کے علاقے بڈھ بیر میں ظلم کی انتہا ہو گئی تھی ۔لاپتہ ہونے والی 7سالہ بچی کی جھلسی ہوئی لاش قبرستان سے برآمدہوئی۔ اسی علاقے چند روز قبل بھی پانچ سالہ بچے کی پیٹ چاک کی گئی لاش برامد بھی برآمد ہوئی تھی پشاور کے علاقے بڈھ بیرمیں 7 سالہ عالیہ کی جلی ہوئی لاش قریبی علاقے سیفن کے قبرستان سے مل گئی ،جو ایک دن قبل لاپتہ ہو گئی تھی۔علاقہ مکینوں نے واقعے کے خلاف سراپا احتجاج کرتے ہوئے ملزمان کوگرفتار کرنے کامطالبہ کیا تھا۔ اس سے چند روز قبل بھی پانچ سالہ بچے طاہراللہ کی لاش ملی تھی جس کا پیٹ چاک کیا گیا تھا ، آئی جی ثنااللہ عباسی نے بھی واقعے کا نوٹس لیا تھا اور پولیس کو جلد واقعے کی تہہ تک پہنچنے کی ہدایت کی تھی۔ ۔پولیس نے بچی کی گمشدگی کی درج رپورٹ میں کئی دفعات شامل کی تھیں اور آخر کار آج ملزم کو گرفتار کر لیا گیا ہے۔