واپڈا سب ڈویژن چکوال نے صارفین کو بھاری بھرکم بل بھیج کر چیخیں نکال دیں

چکوال (نامہ نگار)واپڈا سب ڈویژن چکوال نے صارفین کو بھاری بھرکم بل بھیج دیئے ۔ جس سے صارفین کی چیخیں نکل گئیں۔ مذکورہ سب ڈویژن کا ایس ڈی او کی ڈھیلی پالیسیوں کے باعث میٹر ریڈر ریڈنگ نہیں کرتے جس کے باعث عام صارفین بری طرح متاثر ہو رہے ہیں ۔ من مرضی کی یونٹ ڈال کر بل تھما دیئے گئے جو بجلی صارفین کے ساتھ سراسر زیادتی ہے ۔
 عوامی حلقوں نے بروقت ریڈنگ نہ کرنے اور من مرضی کے یونٹ ڈال کر شدید احتجاج کرتے ہوئے ایس ڈی او چکوال اور میٹر ریڈروں کے خلاف ایکشن لینے کا مطالبہ کیا ہے ۔